თბილისის აეროპორტი ქვეყნის მთავარ აეროპორტს წარმოადგენს. აეროპორტი დედაქალაქიდან მისი სამხრეთ-აღმოსავლეთით 17 კილომეტრით არის დაშორებული. თბილისი საერთაშორისო აეროპორტი, ასევე, შოთა რუსთაველის სახელით არის ცნობილი, რომელიც 2015 წელს მიენიჭა. აეროპორტი 2005 წლიდან TAV Georgia – ს მმართველობის ქვეშ იმყოფება.

თბილისის აეროპორტი საქართველოს მსოფლიოს ნებისმიერ წერტილთან აკავშირებს პირდაპირი თუ ტრანზიტული რეისებით. პირდაპირი რეისები გვაქვს ისეთი მიმართულებებით, როგორებიცაა: ათენი, პარიზი, ვარშავა, რიგა, ფრანკფურტი, დუსელდორფი, სტამბოლი, ერევანი, კიევი, მისნკი, ბაქო, დუბაი, თელ-ავივი, ქუვეითი, მიუნხენი, დოჰა და სხვ. ტრანზიტული რეისით მოხვედრა კი ნებისმიერ ქალაქში არის შესაძლებელი.

თბილისის საერთაშორისო აეროპორტში მსოფლიოს წამყვანი ავიაკომპანიები ოპერირებენ. Georgian Airways, Turkish Airlines, Pegasus Airlines, Qatar Airways, Fly Dubai, Lufthansa, AirFrance, airBaltic, Air Astana, Israir Airlines, LOT Polish Airlines, Aegean Airlines, SCAT Airlines, Ukraine International Airlines, Skyup Airlines – ეს იმ ავიაკომპანიების არასრული ჩამონათვალია, რომლებიც თბილისის აეროპორტს მსოფლიოს სხვადასხვა აეროპორტებთან აკავშირებენ. აეროპორტში, ასევე, ოპერირებენ დაბალბიუჯეტური ავიაკომპანიები Eurowings და Condor Airlines, რომლებიც გერმანული ავიაკომპანიებია.

თბილისის საერთაშორისო აეროპორტი

2007 წელს აეროპორტში საკმაოდ მნიშვნელოვანი განახლებითი სამუშაოები ჩატარდა და აეროპორტმა სრულიად მოდერნიზებული სახე მიიღო. დაემატა ახალი ტერმინალი, პარკინგი, გაუმჯობესდა საფრენი ბილიკი.

აეროპორტი ყველაზე მეტ მგზავრს 2018 წელს მოემსახურა, რომელთა რაოდენობა 3,808,619 შეადგენდა.