ეკონომიკის მინისტრის, ნათია თურნავას განცხადებით, პირველი თებერვლიდან რეგულარულ ფრენებზე შეზღუდვები იხსნება. ამის შესახებ მან დღეს საკოორდინაციო საბჭოს წევრების ბრიფინგზე ისაუბრა.
“პირველი თებერვლიდან ჩვენ მივიჩნიეთ შესაძლებლად, რომ გავაუქმოთ რეგულარულ ფრენებზე შეზღუდვა, ანუ დავუშვათ რეგულარული ფრენები. ეს ნიშნავს იმას, რომ ყველა ავიაკომპანია, ვინც დღემდე მოქმედებდა და მოქმედებს საქართველოში ან თუნდაც ახალი ავიაკომპანიები, ვინც საქართველოში შემოსვლის სურვილს გამოთქვამენ, შეძლებენ რეგულარული ფრენების დაგეგმვას და შესრულებას გარკვეული სიხშირეებით, მაგრამ ეს ნოტამი ე.წ. შეზღუდვა აღარ იმოქმედებს. რა თქმა უნდა, ეს მოხდება ყველა სამედიცინო პროტოკოლის და უსაფრთხოების წესების დაცვით”, — განაცხადა თურნავამ.
მინისტრის თქმით, გამომდინარე იქედან, რომ ქვეყნებს პანდემიის გამო სხვადასხვა შეზღუდვა აქვთ დაწესებული, ფრენები 100%-ით, როგორც სხვა წლებში იყო, შეიძლება არ აღდგეს.
“რა თქმა უნდა, ამის მოლოდინი ჩვენ არ გვაქვს, თუნდაც იმიტომ, რომ ქვეყნებს აქვს გარკვეული შეზღუდვები. სხვადასხვა ქვეყანაში ჯერ კიდევ მძვინვარებს პანდემია და მისი მეორე ტალღა. ადამიანები ერიდებიან ფრენებს თუკი არ არის მაღალი აუცილებლობა. მოთხოვნა საჰაერო გადაყვანაზე არის შემცირებული და კომპანიები თავისი კომერციული ინტერესებიდან გამომდინარე უკვე გადაწყვეტენ ამ საკითხს”, — განაცხადა მან.
თურნავამ კიდევ ერთხელ დააზუსტა, რომ შეზღუდვა ნოტამი, რომელიც ავიაკომპანიებისთვის ფრენების და ავიაბილეთების თავისუფლად გაყიდვის აკრძალვას გულისხმობდა, უქმდება. თუმცა მისი განმარტებით, ამ ჩვეულებრივ რეჟიმს ყოველთვის ახლავს “ტექნიკური შეთანხმება სიხშირეებზე”. მისივე თქმით, უახლოეს დღეებში იმსჯელებენ, რა პირობით შეძლებენ ვიზიტორები საქართველოში შემოსვლას.
ეკონომიკის მინისტრმა ისაუბრა იმაზეც, რომ მიუხედავად იმისა, რესტორნები და კაფეები დაკეტილია და შეზღუდვები ისევ მოქმედებს, ქვეყანა შეძლებს, პირველ ტურისტებს ამ პირობებშიც უმასპინძლოს. მისი თქმით, აუცილებელია, რომ თუნდაც მარტში, საქართველო უფრო მიმზიდველი ქვეყანა გახდეს ვიზიტორებისთვის, ამიტომ პირველი ნაბიჯი ფრენების აღდგენაა.
“ესეც ხომ მნიშვნელოვანია — ისეთ ქვეყანაში, სადაც მაღალია დადებითობის მაჩვენებელი და ინფიცირება, სულ რომ გავხსნათ ყველაფერი, მაინც არ ჩამოვლენ ადამიანები დასასვენებლად. ამიტომ ვირჩევთ ამ ბალანსს. ვიწყებთ იმითი, რომ ფრენები აღდგება. ეს არ ნიშნავს, რომ 2 თებერვლიდან ჩვენი ცა აივსება ავიახომალდებით. ამასაც გარკვეული პერიოდი სჭირდება, რომ კომპანიებმა გათვალონ როგორ უღირთ, რა სიხშირით უღირთ, თავისი ბიზნეს გეგმა გააკეთონ და იფრინონ. ეს არის პირველი ნაბიჯი”, — განაცხადა მან.
ავიაბილეთები თბილისიდან
დანიშნულების ადგილი | გამგზავრება | დაბრუნება | ბილეთების პოვნა |
---|---|---|---|
ერევანი | 26 ივნისი 2025 | 28 ივნისი 2025 | Tickets from 260 |
სტამბოლი | 15 ივნისი 2025 | 17 ივნისი 2025 | Tickets from 275 |
ბაქო | 8 მარტი 2026 | 14 მარტი 2026 | Tickets from 291 |
მინვოდი | 31 მაისი 2025 | 6 ივნისი 2025 | Tickets from 321 |
ათენი | 21 ივნისი 2025 | 24 ივნისი 2025 | Tickets from 340 |
ანტალია | 4 ივნისი 2025 | 8 ივნისი 2025 | Tickets from 380 |
იზმირი | 31 მაისი 2025 | 2 ივნისი 2025 | Tickets from 395 |
სოჭი | 6 ივნისი 2025 | 9 ივნისი 2025 | Tickets from 421 |
ბოდრუმი | 26 ივნისი 2025 | 30 ივნისი 2025 | Tickets from 463 |
დალამანი | 4 ივნისი 2025 | 8 ივნისი 2025 | Tickets from 469 |
მერსინი | 4 ივნისი 2025 | 9 ივნისი 2025 | Tickets from 480 |
ტრაბზონი | 12 ივნისი 2025 | 15 ივნისი 2025 | Tickets from 491 |
მადრიდი | 6 ნოემბერი 2025 | 12 ნოემბერი 2025 | Tickets from 496 |
მილანი | 7 იანვარი 2026 | 11 იანვარი 2026 | Tickets from 512 |
ანკარა | 24 ივნისი 2025 | 25 ივნისი 2025 | Tickets from 520 |
კიშინიოვი | 13 ოქტომბერი 2025 | 19 ოქტომბერი 2025 | Tickets from 536 |
შარდჟა | 6 ივნისი 2025 | 9 ივნისი 2025 | Tickets from 551 |
ბელგრადი | 7 ნოემბერი 2025 | 8 ნოემბერი 2025 | Tickets from 552 |
ჟენევა | 17 იანვარი 2026 | 21 იანვარი 2026 | Tickets from 559 |
ნიკოსია | 18 ივნისი 2025 | 24 ივნისი 2025 | Tickets from 564 |