დაბალბიუჯეტური ავიაკომპანიების წასვლა დიდი დანაკლისი აღმოჩნდა საქართველოს საავიაციო ინდუსტრიისთვის. ავიაკომპანიებმა Wizz Air-მა და Ryanair-მა საქართველოს აეროპორტები პანდემიის გამოცხადების შემდეგ დატოვეს და მას შემდეგ, საქართველოს მოქალაქეები სულმოუთქმელად ელოდებიან მათ დაბრუნებას.
საბედნიეროდ, ეკონომიკისა და მდგრადი განვითარების მინისტრის, ნათია თურნავას განცხადებით Wizz Air-ი და Ryanair-ი რამდენიმე კვირაში აღადგენენ ფრენებს საქართველოს მიმართულებით. დაბალბიუჯეტური ავიაკომპანიები რეისებს ეტაპობრივად აღადგენენ. Wizz Air-ი სექტემბრის ბოლოდან, Ryanair-ი კი ნოემბრის დასაწისში განაახლებს ოპერირებას საქართველოში.
“დაბალბიუჯეტიანი ავიაკომპანიების შემოყვანა არის ჩვენი ხელისუფლების პოლიტიკური ამოცანა და მონაპოვარი. 2016 წელს ჩვენი ხელისუფლების ფარგლებში ყველაფერი გავაკეთეთ, რომ შემოსულიყო კომპანია Wizz Air-ი. შემდეგ მან გააორმაგა მიმართულებები. 2019 წელს დავასრულეთ მოლაპარაკება და შემოვიყვანეთ მსოფლიო დაბალბიუჯეტიანი ავიაგიგანტი Ryanair-ი და ჩვენ ამ მონაპოვარს არ დავთმობთ” – განაცხადა ნათია თურნავამ.
Wizz Air-ის დაბრუნება ნიშნავს, რომ ფუნქციონირებას განაახლებს ქუთაისის საერთაშორისო აეროპორტი, რომელიც პანდემიის გამოცხადების შემდეგ საერთაშორისო ფრენებისთვის დახურული იყო. თუ რომელი მიმართულებებით და რა სიხშირეებით აღდგენა ფრენები, ეს ჯერჯერობით უცნობია, თუმცა ავიაკომპანიებთან მოლაპარაკებები უკვე მიმდინარეობს.
ავიაბილეთების დასაჯავშნად დაგვიკავშირდით ნომერზე 551 907 907 ხელმისაწვდომია ვაიბერი ✈️
