ეკონომიკის მინისტრის, ნათია თურნავას განცხადებით, პირველი თებერვლიდან რეგულარულ ფრენებზე შეზღუდვები იხსნება. ამის შესახებ მან დღეს საკოორდინაციო საბჭოს წევრების ბრიფინგზე ისაუბრა.
“პირველი თებერვლიდან ჩვენ მივიჩნიეთ შესაძლებლად, რომ გავაუქმოთ რეგულარულ ფრენებზე შეზღუდვა, ანუ დავუშვათ რეგულარული ფრენები. ეს ნიშნავს იმას, რომ ყველა ავიაკომპანია, ვინც დღემდე მოქმედებდა და მოქმედებს საქართველოში ან თუნდაც ახალი ავიაკომპანიები, ვინც საქართველოში შემოსვლის სურვილს გამოთქვამენ, შეძლებენ რეგულარული ფრენების დაგეგმვას და შესრულებას გარკვეული სიხშირეებით, მაგრამ ეს ნოტამი ე.წ. შეზღუდვა აღარ იმოქმედებს. რა თქმა უნდა, ეს მოხდება ყველა სამედიცინო პროტოკოლის და უსაფრთხოების წესების დაცვით”, — განაცხადა თურნავამ.
მინისტრის თქმით, გამომდინარე იქედან, რომ ქვეყნებს პანდემიის გამო სხვადასხვა შეზღუდვა აქვთ დაწესებული, ფრენები 100%-ით, როგორც სხვა წლებში იყო, შეიძლება არ აღდგეს.
“რა თქმა უნდა, ამის მოლოდინი ჩვენ არ გვაქვს, თუნდაც იმიტომ, რომ ქვეყნებს აქვს გარკვეული შეზღუდვები. სხვადასხვა ქვეყანაში ჯერ კიდევ მძვინვარებს პანდემია და მისი მეორე ტალღა. ადამიანები ერიდებიან ფრენებს თუკი არ არის მაღალი აუცილებლობა. მოთხოვნა საჰაერო გადაყვანაზე არის შემცირებული და კომპანიები თავისი კომერციული ინტერესებიდან გამომდინარე უკვე გადაწყვეტენ ამ საკითხს”, — განაცხადა მან.
თურნავამ კიდევ ერთხელ დააზუსტა, რომ შეზღუდვა ნოტამი, რომელიც ავიაკომპანიებისთვის ფრენების და ავიაბილეთების თავისუფლად გაყიდვის აკრძალვას გულისხმობდა, უქმდება. თუმცა მისი განმარტებით, ამ ჩვეულებრივ რეჟიმს ყოველთვის ახლავს “ტექნიკური შეთანხმება სიხშირეებზე”. მისივე თქმით, უახლოეს დღეებში იმსჯელებენ, რა პირობით შეძლებენ ვიზიტორები საქართველოში შემოსვლას.
ეკონომიკის მინისტრმა ისაუბრა იმაზეც, რომ მიუხედავად იმისა, რესტორნები და კაფეები დაკეტილია და შეზღუდვები ისევ მოქმედებს, ქვეყანა შეძლებს, პირველ ტურისტებს ამ პირობებშიც უმასპინძლოს. მისი თქმით, აუცილებელია, რომ თუნდაც მარტში, საქართველო უფრო მიმზიდველი ქვეყანა გახდეს ვიზიტორებისთვის, ამიტომ პირველი ნაბიჯი ფრენების აღდგენაა.
“ესეც ხომ მნიშვნელოვანია — ისეთ ქვეყანაში, სადაც მაღალია დადებითობის მაჩვენებელი და ინფიცირება, სულ რომ გავხსნათ ყველაფერი, მაინც არ ჩამოვლენ ადამიანები დასასვენებლად. ამიტომ ვირჩევთ ამ ბალანსს. ვიწყებთ იმითი, რომ ფრენები აღდგება. ეს არ ნიშნავს, რომ 2 თებერვლიდან ჩვენი ცა აივსება ავიახომალდებით. ამასაც გარკვეული პერიოდი სჭირდება, რომ კომპანიებმა გათვალონ როგორ უღირთ, რა სიხშირით უღირთ, თავისი ბიზნეს გეგმა გააკეთონ და იფრინონ. ეს არის პირველი ნაბიჯი”, — განაცხადა მან.
ავიაბილეთები თბილისიდან
დანიშნულების ადგილი | გამგზავრება | დაბრუნება | ბილეთების პოვნა |
---|---|---|---|
ბაქო | 1 სექტემბერი 2024 | 4 სექტემბერი 2024 | Tickets from 278 |
მინვოდი | 15 მაისი 2024 | 16 მაისი 2024 | Tickets from 303 |
სტამბოლი | 8 ნოემბერი 2024 | 12 ნოემბერი 2024 | Tickets from 315 |
ერევანი | 24 მაისი 2024 | 25 მაისი 2024 | Tickets from 368 |
ანკარა | 13 მაისი 2024 | 16 მაისი 2024 | Tickets from 375 |
ანტალია | 2 ნოემბერი 2024 | 8 ნოემბერი 2024 | Tickets from 411 |
სოჭი | 13 მაისი 2024 | 16 მაისი 2024 | Tickets from 421 |
იზმირი | 23 მაისი 2024 | 29 მაისი 2024 | Tickets from 501 |
დალამანი | 18 ნოემბერი 2024 | 23 ნოემბერი 2024 | Tickets from 501 |
ქუვეითი | 9 მაისი 2024 | 13 მაისი 2024 | Tickets from 527 |
მოსკოვი | 14 მაისი 2024 | 15 მაისი 2024 | Tickets from 553 |
ბოდრუმი | 10 მაისი 2024 | 16 მაისი 2024 | Tickets from 557 |
დუბაი | 27 აგვისტო 2024 | 1 სექტემბერი 2024 | Tickets from 590 |
ბარსელონა | 30 სექტემბერი 2024 | 5 ოქტომბერი 2024 | Tickets from 593 |
ვენა | 13 მაისი 2024 | 15 მაისი 2024 | Tickets from 600 |
თელ-ავივი | 9 მაისი 2024 | 13 მაისი 2024 | Tickets from 608 |
ალანია | 20 მაისი 2024 | 25 მაისი 2024 | Tickets from 608 |
შარმ-ელ-შეიხი | 25 მაისი 2024 | 31 მაისი 2024 | Tickets from 609 |
რომი | 20 მაისი 2024 | 25 მაისი 2024 | Tickets from 638 |
კიშინიოვი | 3 აგვისტო 2024 | 6 აგვისტო 2024 | Tickets from 648 |