ჩინეთის უმსხვილესი ავიაკომპანია Air China ოპერირების არეალს აფართოებს და 2 დეკემბრიდან პეკინსა და თბილისს შორის რეგულარულ საჰაერო მიმოსვლას იწყებს. სამოქალაქო ავიაციის სააგენტოს ინფორმაციით, რეისები ქალაქ ურუმჩის გავლით, კვირაში ორჯერ – სამშაბათს და შაბათს შესრულდება.
აღნიშნული გადაწყვეტილება საქართველოსა და ჩინეთს შორის თანამშრომლობის გაღრმავების შედეგია. პროცესს საფუძველი საქართველოს პრემიერ-მინისტრის ჩინეთში ვიზიტისას ჩაეყარა, სადაც ეკონომიკის მინისტრმა, მარიამ ქვრივიშვილმა ხელი მოაწერა მემორანდუმს „საჰაერო აბრეშუმის გზის“ განვითარების შესახებ.
ცნობისთვის, Air China საქართველოს ბაზარზე 2024 წლის დეკემბერში შემოვიდა და აქამდე ფრენებს მხოლოდ თბილისი ურუმჩის მიმართულებით ასრულებდა. 10 თვის მონაცემებით, კომპანია უკვე 25 000-ზე მეტ მგზავრს მოემსახურა.
Air China ფრენები თბილისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| პეკინი | 17 მარტი 2026 | 31 მარტი 2026 |  | Tickets from 1 498 |
| ურუმჩი | 14 მარტი 2026 | 24 მარტი 2026 | | Tickets from 1 058 |
